Savol-javob

Eng ko'p beriladigan savollar. Rasmiy shartlar ofertada va maxfiylik siyosatida.

Xizmat haqida

Munozara nima va u nima emas?

Bu — himoyaga tayyorgarlik uchun repetitsiya. Kengash a'zolari sun'iy intellekt asosida ishlaydi va sizga real himoyadagidek savollar beradi. Bu haqiqiy himoya emas, bergan bahomiz OAK qarori emas va rasmiy kuchga ega emas. Maqsad — sizni kutilmagan savollarga tayyorlash.

Qanday xizmatlar bor?

• Kengash repetitsiyasi — avtoreferat bo'yicha to'liq mock-himoya: kengash savollari, yakuniy qaror, DOCX hisobot va QR-kod bilan tekshiriladigan PDF.
• Magistratura himoyasi — magistrlik ishi bo'yicha repetitsiya, 100 ballik baholash hujjati bilan.
• Dastlabki ekspertiza — to'liq dissertatsiyani 26 mezon bo'yicha tekshirish va yozma xulosa.
• Stenogramma — haqiqiy himoya audio yozuvidan tahrirlangan stenogramma tayyorlash.

Sessiya qancha davom etadi?

Kengash repetitsiyasi odatda 30–60 daqiqa — kengash a'zolari soni va tanlagan qiyinlik darajangizga bog'liq. Ekspertiza va stenogramma esa fon rejimida bajariladi: siz sahifani yopib ketishingiz mumkin, tayyor bo'lgach hisobingizda paydo bo'ladi.

Nima kerak?

• Avtoreferat yoki dissertatsiya — PDF yoki DOCX formatda.
• Stenogramma uchun — audio yozuv.
• Ovozli rejimda gaplashmoqchi bo'lsangiz — mikrofon va barqaror internet. Ovozsiz, faqat matn bilan ham to'liq ishlaydi.

To'lov va pul qaytarish

To'lov qanday amalga oshiriladi?

Xizmat narxi platformada ko'rsatilgan. To'lov onlayn amalga oshiriladi; karta ma'lumotlaringiz bizga kelmaydi. Hisobingizda mablag' bo'lsa, avval o'shandan yechiladi.

Sessiya yiqilib qolsa, pulim nima bo'ladi?

Pulning o'zini kartaga qaytarib olsam bo'ladimi?

Ha. info@munozara.live ga yozing. Murojaatingiz 5–10 ish kuni ichida ko'rib chiqiladi. Nosozlik biz tomondan bo'lgani tasdiqlansa, mablag' kartangizga qaytariladi (bank o'tkazmasi qo'shimcha vaqt oladi).

Hisobot chiqdi, lekin menga yoqmadi — pul qaytadimi?

Yo'q. Yakuniy hujjat shakllangan bo'lsa, xizmat ko'rsatilgan hisoblanadi. Hisobotdagi baho past bo'lishi — xizmat ko'rsatilmagani emas: kengash qattiq savol berish uchun ishlaydi. Agar hisobotda aniq xatolik topsangiz, bizga yozing — ko'rib chiqamiz.

Sessiyani o'zim to'xtatsam-chi?

O'zingiz bekor qilgan sessiya uchun mablag' qaytarilmaydi, chunki xizmat ko'rsatila boshlagan bo'ladi.

Hujjatlarim va maxfiylik

Ishimni kim ko'radi?

Hech kim — universitetingizga ham, ilmiy rahbaringizga ham, haqiqiy kengashga ham yuborilmaydi. Bu shaxsiy mashg'ulot. Texnik zarurat bo'lganda (nosozlikni tekshirish) cheklangan doiradagi xodimlar ko'rishi mumkin.

Dissertatsiyam boshqa maqsadda ishlatiladimi?

To'liq dissertatsiya — faqat siz buyurtma qilgan xulosani tayyorlash uchun; sizning aniq roziligingizsiz boshqa maqsadda ishlatilmaydi. Avtoreferat esa ochiq hujjat (u himoyagacha tarqatiladi va rasmiy platformalarda e'lon qilinadi), shuning uchun undan tizim sifatini yaxshilashda foydalanishimiz mumkin.

Ma'lumotlarimni o'chira olamanmi?

Ha, info@munozara.live ga yozing — hujjatlaringizni va hisobingizni o'chiramiz.

Natija

Oxirida nima olaman?

Savol-javob transkripti, DOCX hisobot (kengash qarori, zaif va mustahkam tomonlar, tavsiyalar) va QR-kod bilan tekshiriladigan PDF. Hammasi hisobingizdan yuklab olinadi.

Bir ishni bir necha marta yuklasam bo'ladimi?

Ha, va bu tavsiya etiladi. Kamchiliklarni tuzatib qayta yuklaganingizda, tizim oldingi repetitsiya bilan solishtiradi va qaysi nuqtalar yopilganini ko'rsatadi.

Savolim shu yerda yo'q

info@munozara.live yoki aloqa sahifasi orqali yozing.

Oxirgi yangilanish: 2026-08-06